Juan Cruz Lertxundiren bustoa.
Juan Cruz Lertxundi jauna hil ondoren, eta filantropo donostiarrari esker ona erakutsi nahian, Zorroagako lorategietan busto bat ipintzea erabaki zen, haren oroitzapena iraunarazteko. Bustorako lehiaketa bat antolatu zen, idulkirako beste bat, eta busto garailearen brontzezko galdaketa egiteko beste bat. Bustoaren lehiaketako irabazlea Gabriel Navajas izan zen, "Gaztelupe" goiburupean aurkeztutako proiektuarekin. Bustoa 1934ko abuztuan inauguratu zen. Honako inskripzio hau dauka: "Al insigne bienhechor / DON J. CRUZ LERCHUNDI / 1932-33" ("J. CRUZ LERTXUNDI / ongile entzutetsuari / 1932-33").