Europa Konstelazioa

2013ko otsailak 21etik apirilak 21era
San Telmo Museoko Laborategian.
Asteartetik igandera, 10:00etatik 14:00etara eta 16:00etatik 20:00etara
Sarrera dohainik

Europa Konstelazioa arte garaikideko erakusketa-proiektua da, Donostian erakusgai egongo dena eta sare zabalago baten baitan dagoena, Europako beste hiriak elkarrekin lotzeko, hala nola, Oslo, Lodz, Londres, Brusela, Minsk, Istanbul eta Novi Sad.

Europa Konstelazioa atal bat da, Europa (to the power of)n delakoaren baitakoa, Goethe Instituten Bikaintasunerako Ekimenaren barnekoa, Europar Batasaunaren kanpo eta barneko 11 erakunderekin egindakoa. Goethe Institutek eta DSS2016EU Donostia 2016ko Europako Kultur Hiriburuak ekoiztua, San Telmo Museoak antolatua eta Peio Aguirrek komisariatua. Europar Batasuneko Kultura Programaren babesarekin.

Europa, inoiz baino gehiago, berrikuspen sakon baten gai da

Mundu mailako krisialdi ekonomikoak agerian utzi ditu Europari buruzko kontzeptuaren inguruko desadostasunak; aldi berean, arazoen aurrean kontinentea arazo eta konponbide denez gero, Europa zahar eta berria hil ala biziko borrokan ari dira, birformulatze etengabean eta zehaztugabean. Nazio- eta eskualde-identitateen mosaiko izanik, gertaera historiko zein errealitate sozio-ekonomiko, adostasun kulturaleko gune, lurralde asimetriko eta abar izanik ere... Europari, inoiz baino gehiago, berrikuste sakon bat ari zaio egiten.

Zein egiteko du kulturak eta, zehazki, arte garaikideak, Europako irudikapen antagonista horiek interpretatzeko orduan? Prozesu horretan, zein da kultura-erakundeen eta arte-museoen egitekoa? Zein dira eremu publiko parte-hartzaile baten bertsio desberdinak? Eta, oroz gain, zein da modernizazio eta aurrerabidearen egitekoa kultura moderno komunaren eboluzioan?

Europa Konstelazioa egiazko metafora bihur daiteke; antzinako herri eta zibilizazioek izarrak irudizko marren bidez elkartu eta zeru-esferaren gainean irudi birtualak sortu zituztenean bezala. Horren argitan, beharbada posible da Europa irudizko sare bat bailitzan imajinatzea eta pentsatzea. Apetaren araberako identitateez egina legoke, ez halabeharrez toki-mailan elkarturik, baina bai espazio mugagabean ordena bat osatuz.

Konstelazio horretan, bertan ez dagoen osotasun batetik abiatuz, artistek gizarte-mailako gaiak lantzen dituzte, herritarrei galdea egitea helburu duten arazoak plazaratzeko: kultura-erakundeen eginkizuna, hezkuntza, eleaniztasuna, desberdintasun kulturalak, immigrazioa edo negoziazioa, iragan historiko eta memoriarekikoa. Arte garaikideak gizarte-eduki hori guztia erabiltzen du, eta, artisten begirada subjektiboaren bidez, gizarteari itzuli egiten dio.

Artista parte-hartzaileak

Sven Augustijnen
Annika Eriksson
Iñaki Garmendia
Lise Harlev
Oliver Klimpel
Ane Hjort Guttu
Aleksander Komarov
Asier Mendizabal
Jean-Marie Straub / Danièle Huillet
Xabier Salaberria
Christian Teckert
Katarina Zdjelar

Bideo dokumentaleko programa

Laborategiko erakusketaz gain, proiektuak hiru proiekzio saio barne hartzen ditu, bideo-dokumentalekin, museoko Ekitaldi Aretoan egingo direnak, eta egileen presentzia eta aurkezpenak izango dituztenak. Saio hauetarako sarrera librea izango da, lekuak bete arte.