NABIGAZIORAKO LANGUNTZAK:

ORRIALDEAREN EDUKI NAGUSIA:

  • Hasiera
  • Gaurkotasuna
  • Ibon Aranberrik "Itzal marra" interbentzioa aurkeztu du Museo Bikoitza proiektuko lehen edizioan

Ibon Aranberrik "Itzal marra" interbentzioa aurkeztu du Museo Bikoitza proiektuko lehen edizioan

  • Asteartea, 2019(e)ko Ekaina(r)en 11-(e)an

Ibon Aranberrik, Museo Bikoitza proiektuaren lehen edizioan aritu den artistak, bere lanaren emaitza aurkeztu du San Telmo Museoan: Itzal marra. Obra gaurtik, ekainak 11, aurrera egongo da ikusgai museoan.

Lehen edizio honetarako, Aranberrik interbentzio bikoitz bat sortu du, museoko funts lekualdatuetatik sortutako material eta estratuez osatua. Itzal marra izenburupean, batetik, biltegiratze-sistema gisa eskuz egindako egitura bat berreraikitzen du, eta, bestetik, aurkitutako gainazaletako idazkunen gainean sortutako kalkoen bilduma oso bat aurkezten du. Bat museoko klaustroan egongo da eta bestea oroitarrien biltegian (elizako atrioaren ondoan).

Museo Bikoitza

2018an aurkeztu zuen museoak Museo Bikoitza proiektua. Museoan egingo den aldizkako esku-hartzeen programa bat da, urtero gonbidatutako artista batek egingo duena (proiektua abiatzeko Asier Mendizabalek Ibon Aranberri hautatu zuen), eta museoarekin lotuta lan egingo du artista horrek proiektu berri baten produkzioan. Helburua da bildumaren eta kontakizun museografikoaren hainbat berrirakurketa ahalbidetzea, artista ezberdinen eskutik.

Proiektu bakoitza egiten duen artistak hurrengo proiektuaren aukeraketan, gonbidapenean eta jarraipenean parte hartzen du. Horrela, epe luzera, programaren metatutako emaitza ez da pertsona bakar baten irizpide partikularrera lotuta egongo; aitzitik, museoarekin konprometitutako kolektibitate baten bidez sortuko da, museoan bertan parte hartzearen bidez.

Egin zoom arteari


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Flickr
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: