Etxepare Institutuko irakurleen topaketa San Telmo Museoan

Etxepare Institutuaren bitartez Nazioarteko unibertsitate ezberdinetara euskal kultura eramango duten 22 irakurle San Telmo Museoan izan ziren joan den ostiralean, uztailak 12, Irakurleen VII. Topaketan.

Haien arteko harremanak estutzeko eta datorren ikasturteko erronkak partekatzeko helburuz antolatutako saioan, dinamika ezberdinen bitartez, lantaldea sendotu eta proposamen eta esperientziak partekatu zituzten bildutakoek. Gainera, museoaren bisita egin zuten eta San Telmok bere jarduna aberasteko eskaintzen dizkien baliabide ezberdinak ezagutzeko aukera ere izan zuten irakurleek. Saio interesgarria izan zen guztiontzat!