NABIGAZIORAKO LANGUNTZAK:

ORRIALDEAREN EDUKI NAGUSIA:

2024ko Museoen Eguna: Berritasunak Egitarauan eta doako irekierak

  • Astelehena, 2024(e)ko Maiatza(r)en 13-(e)an

Aurten ere maiatzaren 18an Museoen Nazioarteko Eguna (MNE) ospatuko da San Telmo Museoan. MNE, ICOMek (International Council of Museums) 1977an sortutako eguna da. Data honen xedea museoek gizartearen garapenean duten zereginari buruz jendea sentsibilizatzea da.

Aurten, MNEren leloa Museoak Hezkuntza eta Ikerketaren alde lanean da, eta museoak aipatutako bi diziplinak uztartzen diren guneak direla aldarrikatzen du: museoak jakin-mina, sormena eta pentsamendu kritikoa sustatzen duten hezkuntza zentro dinamiko gisa, eta ikerkuntzan eta ezagutzen hedapenean laguntzen duten eragile gisa.

Egun hau ospatzeko egitarau berezia prestatu du museoak. Edizio honetan berritasun bezala, eliza esperientziak partekatzeko eta sormen tailerretan parte hartzeko espazio bizi batean bilakatuko da. Gainera, maiatzaren 18 eta 19an sarrera doakoa izango da, 18an doako bisita gidatuak eskainiko dira eta data desberdinetan zehar ospatuko diren musika eta dantza emanaldiekin borobilduko da ospakizuna.

Egitarau berezia:

  • Elizan: Sormenerako eta Partaidetzarako Gunea, asteburu osoan zehar, 10:00-20:00. Tartean,  J.R. Amondarain artistak eskainitako tailer irekia izango da larunbatean.
  • Museoan: Ate irekien Jardunaldiak asteburu osoan, doako hainbat bisita gidatu 18an, eta musika emanaldiak Francisco Escudero Kontserbatorioko gitarra elektriko eta baxu ikasleen eskutik, larunbatean, 11:00etan eta 12:00etan.

Aurten beste data batzuetara zabalduko dira Museoen Nazioarteko Egunari lotutako jarduera: 

  • Musika eta kantu emanaldiak: Francisco Escudero Kontserbatorioko ikasleen eskutik. Maiatzak 25, 11:00 + 12:00 + 13:00 + 19:00.
  • Dantza emanaldia: Udal Musika eta Dantza Eskolako ikasleen eskutik, euskal dantza, dantza garaikide eta klasikoarekin. Ekainaren 15ean, 12:30ean.

 

baner audioguia eu

Egin zoom arteari


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Instagram
  • ivoox
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: