Modernitatearen hasiera

Arlo honetan XIX. eta XX. mendeetan euskal gizartean gertatutako aldaketa nagusiak aztertuko ditugu. Garai horretan, gaur egungo gizartearen osaera ulertzeko gako nagusiak aurkituko ditugu.

Aldi horretan, landa-eremuko bizimodutik bizimodu industrializatura aldatzen da. Gizarte horretako hainbat alderditara hurbilduko gara: gizarte-, familia- eta lan-antolamendura, ekonomia-jardueretara, eguneroko bizitzara, ideologietara eta aldarrikapenetara.

Tradizioak bizirik dirau

XIX. mende amaieran, garraioaren eta industriaren iraultzaren eraginez, baserriak garrantzi ekonomikoa galdu zuen eta gizartearen eta kulturaren arloko erreferenteak aldatu egin ziren.

Industria, aldaketaren eragile

Biztanleriak gora egin zuen hainbat faktorek erakarrita: industria-sektoreak, hirien hedapenak, kontsumo-ondasunek, gizarte-mugikortasunak, erdi-mailako klasea agertzeak, masa-kulturak eta emakumea arian-arian esfera publikoan sartzeak.

Gizartean bizi

XIX. mendearen azken herenean, euskal gizartea modernizatu egin zen eta aldaketa garrantzitsuak gertatu ziren gizartean, kulturan eta politikan. Industrializazio-eredu bati esker —eta gaur egun oraindik ere bizirik dirau, hein batean— biztanleriak gora egin zuen hainbat faktorek erakarrita: industria-sektoreak, hirien hedapenak, kontsumo-ondasunek, gizarte-mugikortasunak, erdi-mailako klasea agertzeak, masa-kulturak eta emakumea arian-arian esfera publikoan sartzeak.