NABIGAZIORAKO LANGUNTZAK:

ORRIALDEAREN EDUKI NAGUSIA:

STMren Galarza argazki funtsaren erakusketa

Erakusketak San Telmo Museoko Galarza fondoaren irudi aukeraketa bat aurkeztuko du. Egileak Gregorio González Galarza argazkilaria eta bere seme Carmelo González Campano dira. Museoko eta hiriko bilduma garrantzitsu bat da hau, 3000 argazki-dokumentu baino gehiagorekin, XX. mendearen lehen erdialdea hartzen dutenak, hiriak urte horietan izan zuen garapenari jarraiki.

  • 2024ko urriaren 26tik 2025ko urtarrilaren 23ra
  • Asteartetik igandera, 10:00-19:00
  • Erakusketa aretoak
  • Sarrera orokorra: 6 €

Erakusketa gaika edo panoramaka egituratuko da, eta irudien izaera dokumentala azpimarratuko da, hiriaren bilakaera ezagutzeko bitarteko gisa. Groseko zabalgune berria, Urumea ibaia bideratzea eta Maria Kristina eta Kursaaleko zubi berriak eraikitzea, Amarako zabalgunea eta Antiguako auzo berria, Ulia eta Igeldoko jolas-parkea, Kontxako hondartzaren eta Alderdi Ederreko lorategien irudi berria eta abar agertuko dira gure begien aurrean, etengabe berritzen ari den hiri erakargarri eta kosmopolita bat erakutsiz.

Izaera etnografikoagoa duten beste argazki batzuk Urumeako arrantzale, bainuontzi edo garbitzaileen jarduerak erakusten dizkigute, baita jaietako bizitza ere, inauteriak, herri dantzak, herri kirolak eta zezen-festa Chofre plazan.

Argazki gehienak Gregorio González Galarzak argitaratzen zituen postalen bidez merkaturatzen ziren, eta hiri ederraren oroitzapena eraman nahi zuen bisitariari eta nobedadearen bila zebilen bildumagileari zuzenduta zeuden.

Antolaketa eta produkzioa: San Telmo Museoa
Komisarioak: Juanjo Fernéndez Beobide, Lola Horcajo


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Instagram
  • ivoox
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: