Clima ideal. Udako kartelak

Erakusketaren liburuxka deskargatu

XIX. mendearen amaieratik XX. mendearen erdialdera Donostia eta Gipuzkoa turistikoki iragartzeko kartelek izan zuten indar grafikoa aztertzen du erakusketak, aldi horretako marrazkilari onenen eskutik (1887-1970).

Kartel turistikoez gain, udan bisitarien dibertimendu-nahia asetzeko egiten ziren ekitaldi ugariak iragartzeko egindako beste zenbait ere erakutsiko dira: kasinoetako jaiak, auto eta zaldi lasterketak, estropadak, erakusketak, uso-tiro eta tenis lehiaketak, etab.

Komisarioa: Mikel Lertxundi Galiana.

• 2023ko uztailaren 1etik urriaren 15era
• Asteartetik igandera, 10:00-20:00
• Erakusketa aretoan
• Bisita gidatuak eta jarduerak
• Sarrerak

Clima ideal (klima paregabea) dugu Donostia 1934an iragartzen zuen kartel baten goiburua. Izan ere, hiriko klimaren ontasunak lehenetsi ziren kartel hartan bereziki, propagandak ordura arte erruz aldarrikatzen zituen beste xarma askoren artetik. Termometro batez baliatu zen Manolo Prieto bere diseinuan, uda partean batez beste neurtzen ziren 22 gradu baretsuen berri ematearren.

Erakusketa honek, hain zuzen ere, bere egin ditu lelo horren oihartzun polisemikoak, hiriak, Gipuzkoako herrialdeak eta udan antolatzen ziren ekitaldi ugariek hedapenerako erabilitako grafikak izandako indarra aztertzeko, ilustrazioaren bitartez. XIX. mende bukaeratik eta XX. mendeko 60ko hamarraldiko urteetara arte –horra, beharbada, marrazketa halako nagusitasunez agertu zen azken garaia, haren tokia hartu baitzuen ondoren argazkigintzak–, klima aproposa baliatu zuen turismo diseinuak bere garapenako: bat egin zuten eskariak, talentuak eta produkzio bitartekoek ondare baliotsu honi bide emateko.

Hemen aurkezten diren kartel eta eskuorrietan datza Donostia mende erdian baino gehiagoan izan zenaren zati bat, bai eta kanpora proiektatu nahi izan zuen irudiaren puska handi bat ere. Beste edozein turismo jomugaren kasuan bezala, hiriaren balio eta erakargarri batzuk aintzat hartu eta beste batzuk berariaz baztertu ondoren oinarritu eta itxuraturiko nortasuna dugu, hain zuzen ere, konstruktu hau. Diseinuaz gozatzeko eta hiriko historia ezagutzeko aukera emango digu eginiko hautuak, bai eta atzoko eta egungo turismoaren sustapenaren narratibaz gogoeta egiteko ere.

Bisita gidatuak

• Uztailaren 15etik aurrera
• Astearteetan, 10:30 (cas) + 18:00 (eus) | Larunbatetan, 10:30 (eus) + 18:00 (cas)
• Bisita gidatuak doan dira museorako sarrera eskuratuta, baina erreserba egin behar da aurrez (uztailaren 1etik aurrera).

Jarduerak

Museoak erakusketarekin lotutako hainbat hitzaldi eta jarduera antolatu ditu erakusketan ikuspegi ezberdinetatik sakontzea ahalbidetuko dutenak.

• San Sebastián en la Belle Époque. Los gozos y las sombras más allá del cartel publicitario, Juan Aguirre Sorondo
  Hitzaldia
  Uztailak 2, 12:00

• Del grabado propagandístico al cartel publicitario (siglos XV-XX), Iban Redondo
  Hitzaldia
  Abuztuak 6, 12:00

• La "santa ruleta" y el general. ¿Fueron "felices" los años 20 en Donostia?, Juan Aguirre Sorondo
  Hitzaldia
  Irailak 3, 12:00

• Carteles a concurso: fijando la identidad turística de San Sebastián, Mikel Lertxundi Galiana
  Hitzaldia
  Irailak 19, 19:00

• Artea hormara. Kartelgintza tailerra
  Familientzako tailerrak
  Irailak 2, urriak 7 eta 14, 17:00
  
  

Ikusi hemen jardueren inguruko xehetasun gehiago

Erakusketa irisgarria

Ikusmen urritasuna dutenek areto testu egokituak deskarga ditzakete sakelekora erakusketa bisitatzeko, Begiris Elkarteari esker.