NABIGAZIORAKO LANGUNTZAK:

ORRIALDEAREN EDUKI NAGUSIA:

Bizikletak. 150 urte

Tourra Euskal Herrian hastearekin bat eginez, "Bizikletak. 150 urte" erakusketak Amador Tolosaren bildumako bizikleten aukeraketa bat erakutsiko du. Pieza historikoak dira, eta haien bilakaera, Euskal Herrian sortutako markak, eta erabilera eta lanbide desberdinetara bideratutako bizikletak ikusteko aukera emango digu erakusketak; baita, kirol-arloan, zenbait gertaera gogoangarritako protagonista izan diren piezak ere.

  • 2023ko ekainaren 27tik abuztuaren 6ra
  • Asteartetik igandera, 10:00-20:00
  • Elizan
  • Museoko sarrerarekin

2023ko Tourraren Irteera Handia Euskal Herrian izango dela eta, Bizikletak. 150 urte erakusketak Amador Tolosa gipuzkoar bildumagilearen 80 bizikletako aukeraketa bat jarri du ikusgai.

Erakusketa bost ataletan dago antolatuta, bizikletekin lotutako aspektu ezberdinei erreparatuz:

Ofizioak

Llanbide ezberdinetan erabilitako bizikletak egongo dira, besteak beste postari edo suhiltzaileek erabilitakoak. Atal honetan 7 bizikleta daude, zaharrena 1914. urtekoa.

Historia eta bilakaera

Hau da atalik zabalena, 26 bizikletekin. 1860an Espainian ekoiztutako bizikleta batetik hasi eta XXI. mendean Estatu Batuetan sortutako batera iritsi arte, hiru mende zeharkatzen dituen atal honetan Alemanian, Frantzian (hasiera-hasierako Michaux-k sortutako bizikleta), Holandan, Ingalaterran eta Italian sortutako piezak ere biltzen dira, marka ezberdinetakoak.

Kiroletakoak  / Txapeldunak

16 bizikleta biltzen ditu atal honek, horietako batzuk XX. mendeko lehen hamarkadako Tourretan erabilitakoak, eta tartean Ferrarrik 1980. urtean sortutakoa ere. Hauekin batera ikus daitezke Tourrean nabarmendutako lau txirrindulariren bizikletak ere: Txomin Perurena, David Etxebarria, Samuel Sánchez eta Fernando Escartín, beste batzuekin batera.

Euskal Herrian sortutakoak

16 bizikleta, guztiak XX. mendekoak -20ko hamarkadatik 90eko hamarkadara-, Euskal Herrian bizikletaren inguruan garatutako industriari esker: BH, GAC, Orbea, Razesa.

Haur eta gazteentzako bizikletak

Haurrentzako eta gazteentzako bereziki egindako 15 bizikleta, zaharrena XIX. mende bukaerakoa -egurrezko belozipedoa-, eta berrienak XXI. mende hasierakoak, besteak beste Chopper modukoa.

 

Hitzaldia

Euskal txirrindulariak Tourraren historian

Ander Izagirre

  • Ekainak 27 | 19:00 | San Telmo Museoan + streaming
  • Libre, jarleku guztiak bete arte

 

 


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Instagram
  • ivoox
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: