NABIGAZIORAKO LANGUNTZAK:

ORRIALDEAREN EDUKI NAGUSIA:

Platina

Osasun krisiaren ondorioz, museoa baldintza berezietan zabaldu da, eta hala mantenduko da besterik esan ezean.

Informazio gehiago

Nagore Amenabarro artistaren Platina erakusketarekin jartzen da martxan Kutxa Fundazioaren eta San Telmo Museoaren Artea abian proiektua, sorkuntza garaikideari protagonismoa ematen diona. Platinak eskulturaren eta objektuaren esparruko irudi margotuak biltzen ditu, bereziki kontuan hartuta eskala-kontuak.

  • 2020ko azaroak 21 - 2021ko otsailak 7
  • Museoko bazkideentzako irekiera azaroaren 30an
  • Asteartetik igandera, 10:00-20:00
  • Sarrera dohainik
Platina, Nagore Amenabarro
Platina, Nagore Amenabarro
Platina, Nagore Amenabarro

Katalogoa

Artistaren hitzetan:

Platinak eskulturaren eta objektuaren esparruko piezak eta irudi margotuak biltzen ditu, bereziki aintzat hartuta eskala-kontuak (bai fisikoa, bai bestearekiko itxiera edo irekiera, intimitatea, barruko eta kanpoko ertzak); komunikatzen diren elementuen jario moduko bat.

Pieza gehienak bitxiak eta eskultura erlazionatzetik sortu dira.

Pieza gehienak bitxiak eta eskultura erlazionatzetik sortu dira. Esparru batetik besterako translazioa planteatzeak aukera eman dit intimoaren ideiatik publikotasunera aldatzeko, bi norabideetan. Horrela, lana marruskadura sortzen duen ardatz batean kokatu da, barne-mugimendu baten, mugimendu sakon, intrintseko, ezkutu baten eta azalera- eta familia-mugimendu baten artean.

Harribitxia bezalako objektu batetik (historikoki berez botere sinbolikoa izan duena) piezak sortzeko elementu gisa abiatzeak nire begirada beste esparru batera desbideratzea ekarri du. Beste eremu bat, praktika artistiko ororentzat komunak diren funtsezko gaiak bere baitan hartzen dituena, baina, aldi berean, partikularrak eta dagozkien inguruneari dagozkionak.

Prisma izeneko serieak koloreari eta elementu bakar bat hainbatetan bereizteari egiten dio aipamena.

Prisma izeneko serieak koloreari eta elementu bakar bat hainbatetan bereizteari egiten dio aipamena, naturan prisma bat zeharkatzean ostadarraren koloreak agerian uzten dituen argi zuriarekin gertatzen den bezala. Espraia zokoetara sartzen da irudiaren zatiak maskaratzean, argia zirrikituen artean iragazten denean bezala. Espraia hemen gai bihurtzen da, eta horrek sortzen du gertaera, aldizkarietako irudien eta gainazalaren artean batzuetan. Berrinprimaketa-lana da, irudi bat bi estratu edo geruzaren emaitza gisa agertzean datzalako. Alde batetik, euskarriak duen irudia eta, bestetik, pintura aplikatzearen emaitza.

Tentsio horri helduko dioten harreman kontzienteen eta inkontzienteen bilbe bat sortu nahi dut, eta, nolabait, objektu baten izaeraren osagaitzat hartzen ditugun esanahiak birpentsatu.

Bisita gidatuak

  • Nagore Amenabarrok eskainitako bi bisita gidatu: abenduak 15, 18:00 (eus) + 18:45 (cas)
  • Bisita gidatu programatu konbinatuak Platina eta Norusta erakusketetara: astearteak eta larunbatak, 11:30 + 19:00

Bisitetarako erreserba egin behar da museoaren webgunean.


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Instagram
  • ivoox
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: