Hasiera
Erakusketak
Aldi baterako erakusketak

Atzera begirako poetika. Antton Elizegi argazki bilduma

Erakusketa honetan San Telmo Museoak Antton Elizegi argazkilari gipuzkoarraren ibilbide fotografiko eta poetikoaren atzera begirakoa erakusten du, teknifikazioaren aurreko Gipuzkoako azken belaunaldi autoktonoak bizitako esparru fisikoko irudien bidez.

Erakusketaren liburuxka deskargatu

2020ko otsailak 8 - 2020ko maiatzak 10.
Luzapena: abuztuaren 30era arte
Asteartetik igandera, 10:00-20:00.
Sarrera: 6 €
Komisarioa: María José Aranzasti.

Antton-Elizegi. Agina eta Garateko enborrak seriea 1968

Antton Elizegi. Goi tentsioko dorreak. Serie 1998

Antton Elizegi. Gorostidi baserria Orexa 1974

Antton Elizegi. Meta hutsa sagarrondoarekin

Antton Elizegi. Paisaia abstraktua Gainjartzea

Antton Elizegi. Desmantelamiento de UCEM Hierros siubiendo a cielo in crescendo 2000

Antton Elizegi. Debako panpinak. Seriea 1975

Katalogoa

Erosi erakusketaren katalogoa

Antton Elizegi Belokiren (Lasarte, 1938) argazkigintzarekiko grina Andoaingo Laborde Hermanos enpresan jaio zen. Bertan egin zituen, halaber, lehen urratsak industriaren munduan, makina-erremintarenean eta delineazioarenean, bere ibilbide profesionalean funtsezkoak izango zirenak.

Elizegiren argazkiek lotura hertsia dute naturarekin: ezkutuko paisaia pintoreskoak, zuhaitz enborrak, adarrak, belar metak, baserri hutsak eta hainbat egitura arkitektoniko.

Antton Elizegik beti osatu ditu serieak, eta hainbat eratako esperimentazioak egin ditu, bestelako adierazpen artistikoak arakatu eta bilatu nahian. Horren adibide garbia dira bere ibilbideko serie garrantzitsuenak.

Bere estiloa beltzaren eta zuriaren arteko kontraste bizian oinarritzen da, eta motibo nagusia forma da: Anttonek konposizioaren eta egituraren indarra bilatzen ditu argi-ilunetan.