Waste Lands: Lur suntsituak

Gaur egun Kabulen (Afganistan) eta Los Ángelesen (AEB) bizi da. Alemanian eta Indian bizi izan zen, errefuxiatu gisa, sobietarrek Afganistan inbaditu ondoren. Bideoartearen, performancearen, argazkiaren eta instalazioen bitartez, obrEk Afganistango kulturan eta artean eragina izan duten tradizio estetikoak biltzen ditu

Gatazkan diren herrialdeetako paisaiaren suntsiketa eta populazioen erresistentzia ditu inspirazio-iturri. Biziraupenari eta suspertzeko bideari egiten die dei.

Lida Abdulen webgunea

Irakiarra jaiotzez, Montrealen hazi zen, Kanadan. Dubaira itzuli, eta han lan egin zuen fotokazetari eta fotoeditore gisa, besteak beste, Reuters agentzian, New York Timesen, The Guardian, The Wall Street Journal eta The Financial Times. Argazkigintzako proiektuetan, gizarte-injustiziari eta estereotipoak deseraikitzeari ekin dio.

2009an, UNRWAren (Palestinako errefuxiatuez arduratzen den Nazio Batuen Agentziaren) programa batean hartu zuen parte argazkigintza emakumeei irakasteko.

Tamara Abdul Hadiren webgunea

Bouabdellah-ren artelanek kultur bitasunarekin eta desorekekin jokatzen dute, bai eta kultur fusioarekin eta mugak gainditzeko ahalmenarekin ere. Artelanak egitean, kontuan ditu erakusten dutena baino gehiago ezkutatzen duten elementuak. Xede hau du: konbentzitzea gauzak ez direla ikusten ikusi behar liratekeen moduan; eta mugak gainditzera gonbidatzen du.

Hainbat sari jaso ditu; besteak beste, Abraaj saria (2009), Arte Garaikideko Meurice saria (2008) eta Villa Medicis Hors les Murs egoitzaldia (2005).

Zoulikha Bouabdellahren webgunea

Artean eta kulturan zituen kezkek eraman zuten Les Alignés moda eta kulturako aldizkaria sortu eta zuzentzera, 90eko urteetan.

2005ean, 212 Kolektiboa sortu zuen beste zenbait kiderekin batera: Marokon arte garaikidearen sorrera aldezteko eta sustatzeko erakunde bat.

Amina Benbouchtaren lanak pinturaren mugen araketan ditu sustraiak; irudi, eskultura eta instalazio bihurtzen ditu kontzeptuak eta behatutakoa. Arakatzen dituen bitartekoen askotarikoari esker, gaur egungo bizitzaren gizarte-egitura konplexuaren analisi osatua egiten du.

Sabrina Amraniren galeriako webgunea

Argazkia eta bideoa darabiltza bere lanetan, zeinak serieetan gauzatzen baititu gehienbat. Gizarte auzien inguruan mamitzen du bere artegintza, historiari, gizarte modernoko kulturari eta oroimen kolektiboari leku berezia eginez.

Iranen eta Iraken arteko gerraren ondorioek hor diraute oraindik, eta emakumeak gaur egungo Irango gizartean duen lekua edo migrazioaren drama dira lanetan darabiltzan gai batzuk.

Gohar Dashtiren webgunea

Effendik bere lanetan salatzen du Azerbaijanek eta beste herrialde batzuek sobietarren okupazioaren ondotik eta egungo gobernu eta enpresen diktadurapean bizi duten gizarte eta ingurumen egoera.

Azken urteotan, Sobietar Batasunaren ondorengo egoera hartu du langaitzat, bai eta Turkia eta Irangoa ere. Esate baterako,  2008an Errusiak eta Georgiak izan zuten gatazka, Kirgizistango heroinaren biktimak eta sexu-trafikoa, eta Teherango gazteen ezkutuko bizitzak.

Rena Effendiren webgunea

Umore garratzaz eta zenbait adierazpide erabiltzeko duen erraztasunaz baliatuta –hala nola performancea, bideoa eta instalazioa–, herri-jakinduria arakatzen du, eta gizarte-inguruneak eta hiriko azpiegitura gainazpikatzen. Umorea darabil tresnatzat jendearekin konektatzeko eta elkarrizketa-gogoetak martxan jartzeko, politikoki zuzena denaren mugak alde batera utzita.

Hainbat sari eta beka irabazi ditu: Research and Development Fund: Arts Council of England (2002), Arts and Humanities Research Board (2005) eta Arts Council England Touring Grant (2009)...

Yera El-Sherbiniren webgunea

Zenbait adierazpideren bitartez –bideoa, instalazioa, argazkia, testua eta performancea–, Ghanik zera aztertzen du batik bat: nola berreraikitzen den iragana orainean, eta nola eraikitzen den oraina etorkizunerako, narratiba publiko eta pribatuen aldaketaren bitartez.

Ghaniren lanek gai soziopolitikoak eta antropologikoak jorratzen dituzte, hala nola subjektuaren identitatea, emigrazioa eta giza eskubideak.

Mariam Ghaniren webgunea

Hassanek bideoa eta soinua darabiltza bere lanetan; baita argazkia ere, besteak beste.  Salaketa-ekintzen bidez errealitatea atzemateko darabiltza adierazpide horiek, ikusi ohi ez dena agerian jarriz. Lanaren ardatz nagusia  da frogatzea nola ageri diren politika eta erlijioa egunerokoan.

Ideologiaren, kontzeptuen eta bere egunerokotasunean bizi den giza gorputzaren arteko mugak arakatzen saiatzen da. 2008an, “eka3” arabiar musikaren plataforma sortu zuen beste zenbait kiderekin batera.

Kinda Hassanen webgunea

Sansour-en obraren ardatz nagusia fikzioaren eta errealitatearen arteko lehia da, eta lur-puska batekoa izanik lur-puska horretatik erauzia izatearen dikotomia.

Haren lanetan, genero desberdinetako erreferentziak eta xehetasunak ageri dira: zientzia-fikzioa, spaghetti westerna, Ekialde Ertaineko politikarekin eta gizarte-arazoekin bat datozen beldurrezko filmak. Unibertso paralelo bihurriak sortzen ditu hala, non balio-sistema berri bat deskodetu baitaiteke.

Larissa Sansourren webgunea

Aita-amak erail egin zituzten 1998ko udazkenean, Teherango etxean, eta Forouhar eta neba ekintzaile bihurtu ziren. Ez zieten utzi heriotza haiengatik jendaurrean negar edo hitz egiten.

Parastouk zenbait adierazpide darabiltza bere artegintzan: interbentzio eta instalazioak, animazioa, marrazki digitalak, argazkia, zeinuak eta objektuak. Irango tradiziokoak diren kultur motiboez baliatzen da, hala nola kaligrafia islamdarraz eta persiar miniatura-pinturaz, Irango politikari buruz lan formal eta kritikoa garatzeko.

Parastou Forouhar Wikipedian

Adierazpide bat baino gehiagotan jarduten du artegintzan: eskultura, marrazkia, instalazioak; eta indarkeria, pertsonen zaurgarritasuna eta identitatearen galera ditu ikergai.

Elnaz Javaniren webgunea

Bere lanetan, performancea, instalazioa eta argazkia erabiltzen ditu, eta generoaren eta identitatearen inguruko gaiak jorratzen, bai eta auzi politiko hauek ere: Israelek Palestina okupatu izana, norberaren lurra eta lekua galtzea eta palestinar herriaren erbestealdia.

Raeda Saadeh Wikipedian