NABIGAZIORAKO LANGUNTZAK:

ORRIALDEAREN EDUKI NAGUSIA:

Argazki-liburuak

Gabriela Cendoya Bergareche Collection

Gabriela Cendoya Bergareche Collection logotipo

2017ko maiatzetik San Telmo Museoko Liburutegi eta Dokumentazio Zentroak Gabriela Cendoya Bergarecheren argazki-liburuen bilduma kudeatzen du, 1.400 ale gutxi gorabehera. Gabriela Cendoyak museoarekin akordio bat egin nahi izan du, bere bilduma ezagutzera emateko eta jendaurrean jartzeko batetik, eta arte-adierazpide horren ikerketa eta jakintzan sakontzeko bestetik.

Azken 8-10 urteak funtsezkoak izan dira argazki-liburu edo photobook deitutakoen bilakaeran. Aurretik ere bazeuden argazki-liburu garrantzitsuak –eta bilduma honetan badaude horietako batzuk–, baina azken urte hauetan eztanda egin du argazki-liburuaren “fenomenoak”. Ildo horretan, autoedizio asko egin dira, eta argitaletxe berriak sortu dira, Estatuan zein nazioartean. Gabriela Cendoya Bergareche bildumak leialtasunez islatzen du egilearen argitaratze- eta sortze-lanaren une berezi hori, eta gaur egungo osoenetako bat dela esan dezakegu.

 

Argazki-liburu bat argazkiz idatzitako liburu bat da

Gabriela Cendoya Bergarecheren argazki-liburuen bilduma

Gabriela Cendoya

“Arte-lan bat berez, edukian eta itxuran. Haren irakurketak berehalako intimitate iraunkorra sorrarazten du artistaren lanarekiko, adimenezko zein ukimenezko esperientzia bat da. Askotariko diseinuak edo inprimaketa motak biltzen dituenez, argazkilaritzaren barruan sorkuntza- eta esperimentazio-esparru izugarria osatzen du gaur egun, eta horri esker oso merezia duen goi-mailako aitortza jaso du. Maila pertsonalean, argazki-liburuarekiko intimitateak pertzepzio-eremu batzuk irekitzen dizkit, bizi garen mundua ulertzeko lagungarriak…”.

Horacio Fernández

“Liburuak behatu eta irakurtzen dira. Argazki-liburuek, hori ez ezik, beste bereizgarri bat ere badute: haietan irudiak dira testua, eta testu hori irakurri egin behar da. Orriz pasatu orduko irakurketak zentzua hartzen du, eta horrek kontakizunaren sua pizten du, kontakizun hori hitzak baino ematen ez dituen beste lan bat bezain deskribatzailea edo metaforikoa izan daitekeelarik”.

Nueva York en fotolibros (2016)

Ralph Prins

“Arte modu autonomo bat, eskultura-pieza, argazki-lan edo film baten parean jar daitekeena. Argazkiak, berezko mezu-izaera galdurik, inprimatze-tintan adierazitako zati bihurtzen dira, liburua izeneko sorkuntza konplezu”.

The photobook: a history. Volume I (Martin Parr and Gerry Badger, 2014)

 

Argazki-liburuak STM katalogoan

Museoko argazki-liburuak zehatzago bilatzeko:

  1. Sartu Euskadiko Irakurketa Publikoko Sarean.
  2. Sartu “argazki-liburuak” terminoa “bilatu” eremuan.
  3. Aukeratu “Donostia > San Telmo Museoa” “Katalogo Orokorra” eremuan.

Argazki-liburuak museoko liburutegian kontsulta daitezke bakarrik. Horretarako, langileei eskaria egin behar zaie nortasun-agiria aurkeztuta.

 

Gaiari buruzko blogak

Gabriela-Cendoya-Collection-WP

Gabriela Cendoyak bildumari buruz egindako bloga
https://gabrielacendoyabergarechecollection.wordpress.com/

Gabriela-Cendoya-WP

Gabriela Cendoyaren bloga Fotolibros y algo más
https://gabrielacendoya.wordpress.com/


WEBGUNEAREN TITULARRA:

Donostia, kulturaren hiria

Hizkuntza aukeratzeko menua

Menu osagarria:

San Telmo Museoa sare sozialean:

  • Facebook
  • Twitter
  • Flickr
  • Youtube
  • Donostiako Udala

MENU NAGUSIA:


BILATZAILEA:


ORRI-OINA:

  • Donostiako Udala
  • Eusko Jaurlaritza
  • Gipuzkoako Foru Aldundia
  • Ministerio de Cultura

NABIGAZIORAKO LANGUNTZAK: