La conducta normal y patológica en la vejez // Garunaren zahartzea: erlojuaren kontrako lasterketa

• Hitzaldia
• Data : Asteartea, 2016(e)ko Otsailak 02
• Hizkuntza: Gaztelania
• Erakundea: Museo San Telmo, DSS2016eu, Jakiunde
  
• Gaiak: Osasuna

Sinopsia

Zahartzaroan hainbat aldaketa gertatzen dira: fisikoak, psikikoak, sozialak eta kognitiboak. Baliteke bizitzaren etapa honetara iristen direnen jokabidea aldatzea, baina aldaketa horiek oso desberdinak izan daitezke norbanakoen arabera.

Askotarikoak dira aldaketen arrazoiak; besteak beste, neuronen endekapenezko gaixotasunak.

Hainbat aldaketa izaten dituzte 65 urtetik aurrerako pertsonek: memoria eta hitz egiteko erraztasuna gutxitzea, interesik ez izatea, arreta-gaitasuna murriztea, emozioak ez kontrolatzea (errazago egitea barre edo negar), konfiantza galtzea,
xuhurrago bihurtzea… Alabaina, aldaketa horiek normalak edo patologikoak dira? Zer egin dezakegu zahartzarora ahalik eta osasun psikofisiko onenarekin iristeko?

Hona hemen hitzaldi honen aztergai nagusiak: jokabide-aldaketen bilakaera, aldaketa horiek noiz kontsultatu behar zaizkion medikuari, eta nola lortu zahartzaro osasuntsua izatea.