Material berrien eta ohiko materialen garapen teknologikoan aitzindaria izan da Euskal Herria eta halaxe izaten jarraitzen du gaur egun ere. Hala nola, burdinaren, altzairuaren eta plastikoen garapenean. Gizarte txikia gara, zientziaren eta teknologiaren alorrean aurreratua, eta ezinbestean aurrera egin beharra dugu, beste herrialdeek ere materialak ekoizteko ezagutzak eta prozesuak garatzen ari diren mundu globalizatu honetan lehian jarraitu ahal izateko.
Testuinguru horretan, gure gizartean material berriak garatzeak duen inpaktu ekonomikoa, soziala, zientifikoa eta teknologikoa ezagutarazi nahi du jardunaldi honek. Horretarako, materialek garapen ekonomikoan eta enpleguen sorreran zenbaterainoko eragina duten, eta zientzian, enpresa-munduan, eta gizarte-ongizatean duten inpaktua ere aztertzea izan da jardunaldiaren helmuga.
WEBGUNEAREN TITULARRA:
ORRI-OINA:
Menu osagarria:
San Telmo Museoa. 2024 copyright ©
NABIGAZIORAKO LANGUNTZAK: