Museoko APPak

Aplikazio honek museoaren erakusketa iraunkorrean zehar gidatuko zaitu, audiogida baten gisa. Baina horrez gain, informazio osagarria ere ematen du irudi, testu eta mapen bidez. Bi ibilbide eskaintzen ditu: luzeak bi ordu inguruko bisita proposatzen du eta ikuspegi zabala ematen du; laburrak, aldiz, ordubeteko iraupena du eta lehenengoaren interes puntuen aukeraketa bat biltzen du, ikuspegi orokorragoa eskainiz.

App-a erabiltzeko aukera bat da norberaren gailuan deskargatzea eta ibilbidea konexiorik gabe egitea; beste era bat da, ezer instalatu gabe, erakusketan markatuta dagoen puntu bakoitzean jarritako QR kodearen bidez informazioa ikustea. Lau hizkuntzetan dago eskuragarri: euskaraz, gazteleraz, frantsesez eta inglesez.

Second Canvas San Telmo Museoa aplikazioak San Telmo Museoko arte bildumak era berritzailean deskubritzeko balio du; haren bitartez, artelanen detaileak bereizmen oso handiz aztertu ahal izango dituzu eta bisitatzen dituzun obrak hobeto ezagutu eta interpretatu.

Artelanak Bilduma Historikoa eta Modernitatearen hasiera aretoan daude ikusgai eta, ibilbide baten bitartez, azken sei mendeetako pinturaren bilakaera erakusten dute, bi gairen inguruan: erretratua eta paisaia.

Tresna ezin hobea da konpainian artea deskubritu eta disfrutatzeko, eta euskarri didaktiko oso praktikoa da ere irakaskuntzako profesionalentzat.

Urgull aplikazioa tresna aparta da Donostiako mendiaren ondare historiko eta naturala ezagutzeko. App-ak zailtasun gutxiko ibilbidea proposatzen du gaurdaino iritsi diren bide eta gotorlekuen egitura aurkezten duena. Gainera, espezie naturalei, begiratokiei eta museoaren bildumako argazki zaharrei buruzko azalpenak ere ematen ditu.

Ibilbidea San Telmo Museoan hasten da eta app-a deskarga daiteke, instalatu ondoren konexiorik gabe funtzionatzen duena.