Udaletxea

Luis Aladrének 1887an eraiki zuen, hasiera batean Kasinoa izan zen, eta Europako Gerrako urteetan oso ezaguna izan zen.

Garai hartako berezko planteamendu eklektikoa du, bolumenen antolamenduari eta dekorazioari dagokienez, askotariko eraginak nahastuz. Eskema klasikoari jarraitzen dio, hau da, gorputz zentral bat eta bi gorputz alboetan, zertxobait atzera emanda dauden galeriekin komunikatuta.

1923an Gran Casino deitutakoa Kursaalaren eraikinera lekualdatu zuten, eta 1941ean eraikina eraberritu egin zuten Udaletxea izateko.