Kursaala

1921ean eraiki zuten eta 1973an bota zuten Kursaal kasino eta antzoki zaharraren orubean eraikita dagoen eraikina da. Eraikinaren eraispen polemikoaren ondoren, ideia-lehiaketa baten deialdia egin zen eta Rafael Moneok aurkeztutako “Hondoa jotako bi harkaitz” proiektuak irabazi zuen.

1996 eta 1999 bitartean eraiki zuten, beira zeharrargizko bi kubo handiz osatuta dago, eta auditorioa, ganbera aretoa, erakusketa aretoa, kongresu aretoa, jatetxea, merkataritza-gunea eta aparkalekua dauzka.

Arkitekturako sari asko jaso ditu: Mihes Van der Rohe saria, VI Bienal de Arquitectura Española eta FAD saria.