Bretxako Azoka / Arrandegiaren Eraikina

Azokak izen hori du harresi zaharreko puntu estrategiko batean kokatuta zegoelako, hiria hartzen zutenean tropak leku horretatik sartzen baitziren.

Antonio Cortázarrek diseinatu zuen 1870. urtean, eta jatorrian U itxura zuen, eraikin ireki eta aireztatu batean. 1898an, José de Goicoak azoka zabaldu zuen, patio zentrala estaliz eta Boulevard-era ematen duen fatxadaren erdiko tartea gaineratuz.

Arrandegia Juan Rafael Aldayk eraiki zuen 1928. urtean. Eraikin honen ezaugarrietako batzuk honako hauek dira: goiko solairuetarako sarbideak kanpoko eskalinatetan zehar, pilastra soilak, eta harlanduzko lan kuxinduraduna zokalo eta izkinetan.

Gaur egun bi eraikinak elkartuta daude eta azoka tradizionala eta merkataritza-zentroa hartzen dituzte.