AYUDAS A LA NAVEGACIÓN:

CONTENIDO PRINCIPAL DE LA PÁGINA:

Argazkilaritza

Atal honek 15.000 pieza baino gehiago ditu, irudiak, klixeak eta plakak zenbatuta. Hasieran, Historiaren atalean sartu zen, baina, geroago, atal propioa osatzea erabaki zen. Izan ere, bilduma dokumentala denez, hainbat gai biltzen ditu, hala nola historia, etnografia eta arkeologia, baita egile-argazkiak ere. Atal honetan "Galarza Fondoaren" bilduma nabarmendu behar da.

Galarza Fondoa

Bilduma honetan, Gregorio González Galarza jaunak eta bere seme Carmelo Gonzálezek ateratako argazkiak bildu ditugu; 2.000 argazkitik gora dira, Donostian eta Gipuzkoako beste hainbat herritan (Hondarribia, Lasarte-Oria, Hernani edo Zarautz) ateratakoak, bereziki XX. mendearen lehen erdian.

Agerian geratzen da argazkilariek Donostia oso gustuko zutela, argazki gehienak (bildumaren % 80 baino gehiago) hiriburuan ateratakoak baitira eta argazki horien bidez, hiriaren fisonomiak izandako bilakaera azter dezakegu. Fondoan honako gai hauek dira nagusi: Kontxako badiaren panoramika ugari Igeldotik, Mirakontxatik edo Urgulletik begira, Miramar Jauregiaren perspektibak edo olatu ikusgarriak Salamanka pasealekuan.

Dena den, hiriko eguneroko bizitzako irudiak ere oso maiz agertzen dira: bainu-hartzaileak hondartzan, Txofreko zezen-plazako korridak, Inauteriak edo estropadak.

F-002417
F-005482
F-005217
F-005779
F-005252
F-005298

CABECERA DE LA WEB:

San Sebastián, ciudad de la cultura

Menú de selección de idioma

Menú auxiliar:

Museo San Telmo en Redes Sociales:

  • Facebook
  • Twitter
  • Flickr
  • Youtube
  • Ayuntamiento de Donostia-San Sebastián

Menú temático:


MENÚ PRINCIPAL:


BUSCADOR:


PIE DE PÁGINA:

  • Ayuntamiento de Donostia-San Sebastián
  • Gobierno Vasco
  • Diputación Foral de Gipuzkoa
  • Ministerio de Cultura

AYUDAS A LA NAVEGACIÓN: